التغيير

التغيير وايد حلو حتى لو كان بسيط

أنا من زمان ودي اصبغ شعري و أمي مو راضيه تقول بعد الولاده سووي اللي تبينه

ومليت من شكــلي الحالي صراحه فقررت اقص قذلــة و اول مره اقص قذلتي من المتوسط

كانت دايمة قذلتي جذي واحب احطها بهالشكل احس تعطي شعري حيوية

بس ألحين قصيتها جذي

صج صج تغير شكلي وايد عليها ما توقعت جذي كلش ابوي حتى ما عرفني يقول صايرة جنج كورية

أنا اقول اذا ودج تغيرين شكلج وتطلعين من الروتين بس خايفه من صبغه او قصه شعر القذله سهلة و بسرعه ترجع :p

movie night

حابين فيلم رومانسي لسهرة مع زوجج؟ او خاطركم تسوون يمعة بنات و سهرة على فيلم حلو

جهزوا النفيش و البيبسي و الناشوز لمحبين الناشوز و كل البلعة

بيتنا دايما نحب نطلب بيتزا من بابا جونز اذا نبي نسهر على فيلم كنوع من التغيير

ندخـل للفيلم اسمه  a walk to remember

بالنسبة لي اهوا أفضـــــــــل فيلم رومانسي حلو وايد و يبجي من كثر ما يصير فيج ابي نفس هالحب

أحلى ما فيه انه ما فيه لقطات مني مناك

قصته باختصار تتكلم عن بنت القسيس اللي تكون وايد متدينه وخلوقه و مؤدبه بس كله يتمصخرون عليها الطلبه المو زينين بالثانويه

ماراح اقولكم اكثر شوفوه وعطوني رايكم :*

رابط التحميل

http://forums.myegy.com/thread47957.html

السلام عليكم

بما انه وقت الفراغ زايد عندي او بالاصح ما عندي وقت فراغ بس ابي شي اهرب اليه من حياتي

وبما اني حامل بأول حمل لي و مشتهية اسوي بلوق ما حبيت ارد جنيني ورغباته الغريبة

حيــااكم ببلوقي المتواضع لكل البنات وخصوصا بنات الكويت باختصار بتكلم عن اشياء نحبها تسوق مطاعم وصفات اكل منتجات تجميل و افلام واغاني

Welcome And Have Fun